حللت بتونس الخضراء بعد أن انجزت ثورتها الغراء وإستمتعت بالشرعية وغرقت في حضن الحرية.. والحال هو نفس الحال، بلاد عرور من غير دستور وبين التفكير والتكفير ضاع التدبير..
أصوات متداخلة..
البلاد داخلة في حيط ياحكومة ، ماتخافوش إيجا يمين شويّة إبعد ترّه ، خدملي قانون الطوارئ يعيّشك.. الفساد نخرنا ودمرنا ، البلاد داخلة في حيط ياحكومة - سايي في بالنا جيب الشاذلي العياري على المنصة ترّه - لا لا جيب الحبيب الصيد من الجهة الثانية- البلاد مالت يا حكومة - جيب البوب ياقف من قدام واضرب بالرّش - رد بالك واحد يبدل بلاصتو- وجيبلي برهان بسيس في النّصّ وشيبوب على الاطراف.. البلاد تغرق ياحكومة، هاتلي وجهها ناحية سليانة، يالعريض سيب الماتراك من يديك وإضغط على كبسة الحوار .. البلاد تغرق ياناس ، منحبوش برشة حس - هاذم إستسهلتوا الدولة - نحبوا نخففوا الحمولة - شدّ ارميهم في الحبس المحتجين - والافضل اضرب والديهم بالكرطوش..
صوت الراديو : حكومتنا أقوى حكومة في التاريخ ، أطراف وعناصر وحجارة مستوردة لزعزعة النظام، الإقتصاد معافى والمشاريع والإنجازات في الطريق.. النّاس تسرق في البلاد وتهرب ياحكومة - سيّب عليك هذي أرزاق يقسمها الرّزاق..
صوت هامس : المركب غرقت يا جماعة وزورق النجاة حاضر - والبلاد هذي شنعملوا فيها ؟ خليها تغرق ونحنا شمدخلنا - ربنا يرزقنا بلاد ثانية نكملوا فيها إنجازاتنا ومشاريعنا..
البلاد تغرق ياناس - بالعكس ياحكومة الوضع مستقر - ماله شبيها تتمايل ؟ فرحانة بالإنجازات والحريّات والمناخ الديمقراطي.. صوت راكب يغني : راجع راجع يابلادي وعبر الصندوق ..
Aucun commentaire:
Enregistrer un commentaire