ولد الشعب:نرحل ولا نحمل الذل

ولد الشعب تجيه إسار تجيه إمين شي،تجيه تقلو هيا معانا نحو التقدم هيا معانا نحو الرجعيه شي يقلك انا خبزيست ونبقى طول عمري خبزيست،ولد الشعب سمعتها الكلمه وامنت بها للي شفتها وعشتها وحسيتها.ولد الشعب يآكل فلقه ميقولش آخ ويتسمي مخرب وينعتوه بأبشع النعوت والمخرب الحقيقي يلقي شكون يتضامن معاه ويبرؤ وياقف معاه.ولد الشعب يآكل مسبط وفلقه والمخرب يآكل كروفاتوكلمار.ولد الشعب يقعد على ماتراك وسعه ساعا على دبوزه ببساطه على خاطرو ولد شعب.ولد الشعب يلي قمعوك يلي حڨروك يلي حرموك من حقوقك.ولد الشعب ملقاش شعب ولا وطن ينتميلو لقى روحو منبوذ ومندس ومخرب وملثم وشبح ويد خفيه وهات من هاك اللاوي...ولد الشعب يلي كليت الضرب والإهانه والحڨره ومن بعد قلت آه جاء وقتي خليني نطالب بربيع خبزه ولا حتى فيم في هال البلاد إلي سقيتها من دمي وفديتها بروحي من غير حسابات ولا مطامع، ناضلت ببهامه إي نعم غيري ناضل باش يمشي للتي في ولآخر باش يخدم وللاخر باش يظصبولا تعويض وانا !!!!!!
قالوليحافظ علي الإستقرار ومتكلش بالامن وتوى نخدموك ونريڨلولك امورك وتمشى معاك الدنيا وتزهزهلك وتضحكلك وتعمل دار هههههههه.يا ولدي غير اصبر.
ولد الشعب كرز ولى يفلطي ويغلط ويسب ودخلها بعضها.ولد الشعب قابل مواطن حطيست شهار راكش مسمار في حيط وحب يستفسرو شويه بحكم هو مثقف وقاري ومتنور.
الحطيست:ـ تشبيكم هلكتوها البلاد ودخلتوها في حيط؟؟؟الزح!!!ياخي متفهموش؟؟؟؟
ولد الشعب:ـ انا دخلت البلاد في حيط!!!!!
الحطيست:ـ إي نعم إنت وامثالك من الهمل والبطالا الحاقدين اللي تحبو تهرقو البلاد وتجوعونا...
ولد الشعب:ـ انا نجوعك إنت!!! انا نحرق البلاد؟؟؟؟
الحطيست:ـ قلنالكم اصبرو شويه توى تخدمو شويه صبر يا رسول الله!!!!البلاد حاجتها بالإستقرار يزينا من العنف!!
ولد الشعب:ـ نصبر ..باهي يا سيدي نصبر!!
ولهنا و.ش كشاكش على بره وعروقو بانت والدنيا كحالت في وجهو وهوووووب إتطرشق:
ـ تعفرشي كيفاش ،اصبر إنت!!!هيا نبدلو بالبلايصندخل انا نخدم واصبر إنت
الحطيست:ـ آهههه ممممم
و.ش:ـ تعرفشي كيفاش هاني باش نكون معاكم ديمقراطي وهات نتقاسمو الشهريه حتى يفرج عليا ربي؟؟؟
الحطيست:ـ مممم..انا ..بو عايله..آآآ...لا لا هذي موش طريقه باش تتقدم الدوله !!!!
و.ش:ـ حتى انا فهمتك وفهمت الجميع وهاني باش نخليهالكم واسعه و عريضه ووفى النضال وجاء وقت الحرقه والرحيل خليني نخلط على خيرت شباب بلادي (22الف حراق)...