سلام عليكم ... باش نحكيو حكاية صغيرة على كاميرا خوّفت ناس كبيره...
حكاية رمزي بالطيبي باش نعاود نحكيها مرّه وإثنين وثلاثة فماش ما كلّ يوم تفيق الناس لإنّو بان بالكاشف إنّ القضية صوتها موصلش كما ينبغي .. خليونا نعرفوا كيفاه صارت الحكاية... رمزي صديق الثورة وصديق الثوار وصديق جرحى الثورة وصديق المحرومين والمظلومين... تعرفش علاش صديقهم !!
رمزي صحفي وعندو كاميرا وعندو حاجه في داخلو ربطت بينو وبين الكاميرا والناس إلي حكينا عليهم... الحاجه هذي حب الوطن وإلتزامو الأخلاقي قدام مهنتو... عرفتش علاش صديقهم !!!
وفي غياب إعلام حرّ يغطي محاكمة جرحى وشهداء الثورة كانت الكاميرا متاع رمزي عينينا إلي نتابعوا بها الأحداث والتقارير والكواليس وكل مايعيّشنا اللحظة مع عائلات الشهداء... وفي يوم أغبر ظهر عمار 404 وسرقلنا عينينا وسرق كاميرا رمزي...
رمزي مسكتش وإحتج وبحاجه للدعم وإلي سمع حكاية رمزي يوصلها للي مسمعهاش وقولو هذي لا موضه ولا عفسة هذي قضية وطنية وستنتصر بالرغم من تخاذل الإعلام وبعض او جلّ ساسة وفقهاء الحريات في تونس.
رمزي يخوض لليوم السابع إضراب جوع وحشي وهذا أمر يدعو للإستنفار...
دعمكم لرمزي دعم للثورة وإنتصار للحريات
Aucun commentaire:
Enregistrer un commentaire